打風好去處

打風好去處


每年夏天5月至11月期間都是本港的颱風季節,撞正閒日打風掛八號、十號風球,仲可以多一日假期添!但係橫風橫雨,街上店舖大多都休息,放假都冇得出去玩啦。其實如果你唔怕死,夠膽出門,就算八號、十號風球都有嘢好玩!

戲院照常開放

睇戲一向都係香港人放「颱風假」嘅一大娛樂。UA、百老匯及嘉禾院線都於網頁上表示八號或以上風球懸掛或黑色暴雨警告時仍然會照常營業。不過如果一早買咗飛,但唔想冒生命危險落街睇戲,三間院線都換票服務,只要警告信號除下之後到影院換票(詳情請向影院查詢),就唔怕浪費張戲票,錯過齣好戲。


cinema

唱K亦得 最緊要注意安全

除咗睇戲,其實唱K都係唔錯嘅選擇,因為 Neway、RedMR 兩家大型連鎖卡拉OK,八號或以上風球懸掛或黑色暴雨警告時都會照常營業。雖然卡拉OK同戲院都會照常營業,但係記得留意交通消息,唔好落到街先發現冇車搭啊!根據港鐵資料,掛8號風球 時,列車班次會在有需要時提升至繁忙時間水平,但係架空路段的列車、輕鐵就可能因應天氣狀況而暫停。9號或10號風球時,隧道路段的列車服務會在安全情況下維持有限度服務 (香港站至九龍站路段除外),而架空路段的列車服務將會立即暫停。

Screen Shot 2016-10-20 at 8.07.39 PM

話就話打風都有嘢玩,但係大家出街最緊要注意安全,仲要向所有打風都要返工嘅打工仔致敬。

做音樂不浪漫,但不捨得
朝桁晚拆

Comments

comments